RNE de Galicia homenaxea a Valentín Paz-Andrade co CD “Poética das ideas”
01/06/2012
Onte, 31 de maio presentouse “Poética das ideas”, un CD que inclúe dous programas míticos de RNE nos que Valentín participou como entrevistado e como rapsoda: Gallegos de Hoy e Poetas de Galicia.
Os arquivos RNE abríronse para homenaxear a Valentín Paz-Andrade coa edición de un CD que inclúe dous documetos sonoros nos que, na voz do propio Valentín, se dan a coñecer aspectos da súa obra, especialmente no que se refire aos estudios socioeconómicos de Galicia e a súa obra poética. A directora de RNE en Galicia Celia Díaz destacou a vixencia das reflexións de Valentín e como as palabras do homenaxeado nos abren os ollos a cerca dun sistema financieiro descentralizado e o alcalde de Vigo Abel Caballero recodou o compromiso perenne que Valentín Paz-Andrade tivo coa cidade e con Galicia.
A presentación contou cun espectáculo poético- musical onde Rebeca Montero e Lino Braxe recitaron varios poemas de Valentín acompañados por Miguel Ladrón de Guevara á Guitarra así como o recitado de “Non escoitedes” do poemario Cen chaves de Sombra a cargo de Sabela Paz-Andrade. O acto finalizou coa música de Guillerme Fernández e Xabier Díaz.
